Intentas conectar a xTool P3 por wifi en xTool Studio e topas con un destes dous muros: a rede non aparece na lista, ou aparece pero a configuración falla. Os dous teñen o mesmo culpable de fondo na maioría dos casos —a banda de 2,4 GHz—, e resólvense cun descarte ordenado. Aquí está.
Esta guía adapta ao galego a documentación de soporte de xTool sobre conexión wifi da P3, co que comprobamos nós primeiro cando falla.
Antes de nada: proba a detección por USB
Antes de pelexar co wifi, descarta un fallo de hardware ou de comunicación básica:
- Conecta a P3 ao ordenador co cable USB.
- En xTool Studio, entra no icono do engrenaxe (Ajustes do dispositivo) → Dispositivo → Detección de conexión → Iniciar.
- Segue as instrucións na pantalla (dale a "Permitir" se o sistema che o pide).
Se por USB vai ben, o problema está na rede, non na máquina. Segue abaixo segundo o teu caso.
Caso A: a rede wifi non aparece na lista
Se o nome da túa rede nin sequera se ve:
- Asegúrate de que o wifi está activado no ordenador. Parece obvio, pero é o fallo nº1.
- Cuidado cos PC de sobremesa: moitos non traen tarxeta wifi de fábrica. Comproba que o teu admite conexión sen fíos.
- E o motivo de fondo máis habitual, que desenvolvemos no caso B: a P3 só funciona na banda de 2,4 GHz. Se a túa rede é de 5 GHz, non a verá.
Caso B: a rede aparece pero a configuración falla
Ves o nome da rede, selecciónaa, poñes o contrasinal e a conexión non se completa. Vai nesta orde:
1. Mesma rede, e que sexa 2,4 GHz. O ordenador e a P3 teñen que estar na exactamente mesma rede wifi. E aquí está a clave de case todo: se o teu ordenador está na banda de 5 GHz e a P3 en 2,4 GHz, non se entenden. Cambia o ordenador á rede de 2,4 GHz. Moitos routers emiten as dúas bandas con nomes parecidos; asegúrate de conectar os dous aparellos á de 2,4.
2. Nome e contrasinal sen rarezas. Revisa que o nome da túa rede (SSID) non teña caracteres especiais como ' " ! \, e que o contrasinal teña menos de 32 caracteres. Estes detalles rompen a configuración máis veces do que parece.
3. Desactiva o proxy ou a VPN. Un proxy activo ou unha VPN bloquean a detección de dispositivos na rede local.
- Windows: Configuración → Rede e Internet → Proxy, e desactiva os servidores proxy.
- macOS: Axustes do Sistema → Rede → Wi-Fi → Detalles → Proxies, e desactívaos.
4. Conéctate por IP directa. Se a P3 está na rede pero Studio non a emparella só, faino a man:
- Localiza a IP: en Studio, os tres puntos xunto á imaxe do dispositivo → Axustes do dispositivo (engranaxe) → Información básica → configuración Wi-Fi. Copia a dirección IP.
- Abre a ventá "Conectar dispositivo" en Studio, vai á lapela IP, pega a dirección e pulsa Conectar.
5. Proba co punto de acceso do móbil. Para saber se o problema é o teu router: activa un hotspot de 2,4 GHz no teléfono e conecta a el tanto o ordenador como a P3. Se así si conecta, a máquina está ben e o problema está na configuración de seguridade ou o firewall do teu router.
Preguntas frecuentes
¿Por que só 2,4 GHz e non 5 GHz?
É o habitual en máquinas e dispositivos IoT: a banda de 2,4 GHz ten menos ancho de banda pero máis alcance e atravesa mellor as paredes, que é o que importa nun taller. A maioría dos problemas de wifi da P3 resólvense simplemente conectándoa á rede de 2,4 GHz.
O meu router emite unha soa rede para 2,4 e 5 GHz. Que fago?
É o "band steering". Moitos routers permiten separar as bandas en dous nomes distintos desde o seu panel de administración, ou crear unha rede só de 2,4 GHz. Se non, o truco do hotspot do móbil confírmache se o problema é ese.
Vai por USB pero non por wifi. ¿Podo traballar así?
Si, por USB funciona igual. Pero o wifi libérate de ter o cable posto; paga a pena resolvelo, e case sempre é a banda.
Escriben Noemi e Javi, de Picasita. Usamos unha xTool P3 en produción desde outubro de 2025; somos afiliados de xTool. Esta guía adapta a documentación oficial da marca; o orixinal está no seu centro de soporte. Máis tutoriais e solucións.
0 comentarios